إضحك مع .. سجن طره لاند ونزلاء سجن طره..؟

إضحك مع .. نزلاء سجن طره
-----------------------------

======
كــل الـدول عـندهـم رئيـس سـابق ,,, واحنـا عندنـا رئيـس سـوابـق
-------
جمال مبارك في حالة هيسترية، يمسك بالكلابشات ويلوح بها ويصيح:
شقا عمري .. شقا عمري ضاع .. شقا عمري .. لأ ا ا ا اه
زكريا عزمي: مش عيب ابن الرئيس مبارك مايعرفش أصول التخزين
فتحي سرور: التخزين كان من اختصاص الشاذلي وأمن الدولة
زكريا عزمي: في حد في الدنيا يحط شعب في صفيحة
ويسيبه تلاتين سنة في مية مالحة
جمال مبارك: والعمل يازكريا؟
زكريا: يعوض عليك ربنا
و الملاحة الملاااحة
--------------
طره لاند بيت مبارك الكبير...
تعالى وزوره هناك كتير
طره لاند: ليه تسرق مره لما ممكن تسرق مليووووووووووون مره
--------------

حسنى يغنى
------
احلف بسماها وبترابها...ما حد حبسني الا شبابها

. في كل شارع في بلادي الشعب بيشتم فيا و في ولادي

---------------

الهكسوس انطردو .. فرعون غرق .. كليوباترا انتحرت .. قطز اتقتل
.. بيبرس اتقتل .. المماليك اتدبحوا .. العثمانين قتلو بعض ..
محمد علي خرف .. عباس حلمي الأول اتقتل في بنها ..
الخديوي اسماعيل اتنفى واتحبس ..
الخديوي عباس حلمي الثاني بريطانيا خلعته
.. فاروق اتنفى .. جمال اتسمم .. السادات اتقتل .. مبارك اتحبس ..
حد ليه شوق في مصر؟؟
----------------
سو يا سو مبارك حبسووه
مبارك عايز محامى
ومنين اجيبله محامى
الكل قال قدامى
دا حرامى امسكووه
سو يا سو مبارك حبسوه
وجمال وعلاء وياه وف طره راحو وراه.. وسوزان بتقول الآه
اخص عليكو واتفوه
سو ياسو مبارك حبسوه
مبارك نفسه ف بدله ومنين اجيبله بدله دا ماعدتش حاجه فاضله
وحق الشعب هنرجعـــــووه
--------------------
عاجل |
مبارك : الأخوة والأخوات.. أبناء شعب مصر.. أنا اتحبست

--------------

حبيبي ياااحسنى ... يا حر زي الطيــــر
تعالى ... في السجن جنبى سرير
...السجن ده سجننا
و الحبس من حقنـــا
ايـــه اللي يمنع حسنى انه يعيش وسطنا
-------------
المساجين يهتفون: غوروا غوروا انت و هو ، ، ، انتوا ورانا بره و جو
-------------
بعد اقتراب صدور قرار حبسها ، سوزان مبارك : أنا حامل

---------------
واحد بلدينا ماشى فى الشارع لقى مصباح سحرى فدعكة طلعله العفريت
سرق الموبايل واختفى اتغاظ الراجل فدعك المصباح فطلع العفريت
وسرق المحفظة واختفى فتغاظ الراجل اكتر فدعك المصباح طلع العفريت
فساله الراجل مش ده مصباح علاء الدين قاله لا يا اهبل دا مصباح علاء مبارك