رســــــاله الـى مؤيدي سياده الرئيس الرحل (محمد حسني مبارك) اطال الله عمره وشفاه

نفسى أعرف الناس الى بتأيد حسنى مبارك بيأيدوه على إيه

الراجل دا سرقنا 30 سنه .. سرق فلوسنا .. سرق ثروات مصر ..سرق حريتنا .. سرق كرامتنا .. سرق البلد كلها .. وخرب كل حاجا حلوة فيها .. نشر الفساد فى مصر كلها … ملايين ماتوا فى مصر بسبب المواد المسرطنه و مرض الكبد الوبائى … صدر الغاز الإسرائيل … فساد فى جهاز الشرطه .. تزوير الإنتخابات .. فساد فى كل مؤسسه داخل مصر .. دا الراجل دا لو أعطى كل مصرى مليون جنية فلوسه مش هتخلص … دى الناس مش لاقيه المياه الى هتحلق بيها دقنها يا جدعاااان .. الراجل سارق ومدمر كل حاجا .. نفسى أفهم بيأيدوه على إيه !!! .

ده انا من أسبوع بسأل واحد بيحب مبارك جداااا فبيقولى إيه ” بص متجبش سيرة الراجل دا عشان دا فقلبى ” قلتلوا يا سلااااام طب هاتلى حاجا حلوة حسنى مبارك عاملها فى 30 سنه ومتقوليش كوبرى مبارك للسلام ولا مشروع توشكى الفاشل .. ففضل ساكت شويه كدا وقالى هبقى أبعتلك اللينك ع النت .. قلتله طب أعدلك انا مليون حاجا وحشه الراجل عملها فى حق مصر من غير مبعت لينك! ..

تعرفوا يا مؤيدى مبارك إنه رفض يخلى فلوس قناة السويس بالجنيه المصرى بدلاً من الدولار عشان سعر الدولار مينزلش فى البنوك وسعر الجنيه يزيد فتقوم الفلوس بتاعته الى بالدولار تقل فيخسر … الراجل بيفضل مصلحته الشخصيه على مصلحه مصر …وقال إيه بيدعى إنه بيحب مصر وبيخاف عليها … وطالع فى التلفزيون من كام يوم بيقول شوية كلام أهبل عشان يخلى الناس تحن ليه زى ما عمل أيام الثورة ، نفسى أفهم مؤيدى مبارك على إيه ؟؟؟!! لو كان عشان راجل كبير ولازم نحترمه فالإحترام بيكون على القيم و المبادىء مش العمر .

ليه بقى مبارك.؟! وليه مؤيدي مبارك.؟!

» حكام مصر من الفراعنة حتى حسني مبارك
» نص” أخر مكالمة بين مبارك وطنطاوي قبل التنحي :لا يا سيادة الرئيس سنجد وسيلة أخرى”
» المحامي فريد الديب : لدي مايكفي لأثبات برائة الرئيس السابق مبارك
» الرئيس محمد مرسى يؤدى القسم أمام الدستورية ..؟
» بالفيديو : ماكيير حسنى مبارك يكشف أسرار هامة وفاضحة عن حياة الرئيس السابق