جدول محاسبة النفس اليومى فى رمضان

السلام عليكم ورحمة الله وبركاته

كل سنة وانتم طيبين جميعا

عايزين كلنا نتفق مع بعض على شوية حاجات نحاول على اد مانقدر اننا نطبقها ان شاء الله يوميا فى رمضان

انا نزلت الموضوع دة علشان نبدأ التطبيق كلنا كأعضاء مع بعض

هنعمل لنفسنا نظام يومى النظام دة مكون من شوية جداول نحاول نطبقها على اد مانقدر

العناصر دة اللى عايزين نعود نفسنا عليها ونعملها كل يوم هى:

ترديد الاذان (له جدول خاص به)

الصلا ة (لها جدولين)

أذكار الصباح والمساء

قراءة القران(قراءة جزء واحد من القران)

الاستغفار (10 مرات)

الصلاة على النبى (10 مرات)

الدعاء قبل الافطار (دعوة الصائم مستجابة)

صلاة التراويح (بعد العشاء)

صلاة التهجد

ركعتين قبل الفجر

القيام بأى عمل خيرى (صدقة- وضع موضوع دينى- قراءة موضوع دينى.....الخ)-

طاعة الوالدين (اسعادهم باى شىء نقبل ايديهم - نساعدهم....الخ)

طب ازاى هنعود نفسنا على الحاجات دة....... هنمسك حاجة حاجة وهحاول اشرحهولكم ببساطة هنعمل فيها اية

.................................................. .........................

اولا: ترديد الاذان

هنعود بعضنا اننا نحاول على اد مانقدر اننا نردد اذان الصلوات الخمسة ومش بس كدة احنا هنحط لنفسنا درجة قدام كل اذان

مثلا:
فى اذان الفجر لو رددنا الاذان هنحط درجتين ولو نسيناه هنحط صفر وهكذا بالنسبة لكل اذان موجود فى الصلوات الخمس

هنحط درجة امام كل اذان

فائدة الدرجات دة هقولكم عليها فى الاخر

اول جدول هنحاول نطبقة

جدول محاسبة النفس اليومى فى رمضان Get-8-2009-swczq2rh

نحسب ونشوف هناخد فية كام من 10

طيب لازم نكون عارفين فائدة ترديد الاذان والدعاء اللى بعدة

عن جابر رَضِيَ اللَّهُ عَنهُ أن رَسُول اللَّهِ صَلَّى اللَّهُ عَلَيهِ وَسَلَّم قال:" من قال حين يسمع النداء: اللهم رب هذه الدعوة التامة،
والصلاة القائمة آت محمداً الوسيلة والفضيلة، وابعثه مقاماً محموداً الذي وعدته ، حلت له شفاعتي يوم القيامة" رَوَاهُ البُخَارِيُّ
ويفضل بعد ذلك قول :
رضيت بالله رباً ، وبالاسلام ديناً ، وبمحمد صلى الله عليه وسلم نبياً ورسولاً

اظن كدة عرفنا فائدة الترديد والدعاء ايه هوة كمان

يالا بينا نشوف العنصر التانى اللى هنعود نفسنا علية يوميا

.................................................. ........................

ثانيا: الصلاة

هنعود نفسنا على حاجتين فيها:

1- الصلاة فى وقتها

اننا نصلى الصلاة فى وقتها يعنى نسمع الاذان نقوم نصلى
(احب الاعمال الى الله الصلاة فى أوقاتها) وماتنسوش اننا فى رمضان وعايزين نعمل احب الاعمال الى الله

2-ختم الصلاة:

وهو من تمام الصلاة لازم نعود نفسنا على ختم كل صلاة علشان كتير مننا بينسوا الموضوع دة
ختم الصلاة (هنقول بعد كل صلاة 33 مرة سبحان الله – 33 مرة الحمدلله – 33 الله اكبر- نتمم المائة(لااله الا الله وحدة لاشريك له ,له الملك وله الحمد وهو على كل شىء قدير)

فى عنصر الصلاة عندنا جدولين:

الاول: جدول المواظبة على الصلاة فى اوقاتها

جدول محاسبة النفس اليومى فى رمضان Get-8-2009-ubq45f7m

الصلاة فى وقتها (ناخد درجتين)
الصلاة بعد وقتها بفترة (ناخد درجة)
نسيان الصلاة (صفر)

بدرجات ونشوف اخدنا كام من 10

التانى: جدول المواظبة على ختم الصلاة

جدول محاسبة النفس اليومى فى رمضان Get-8-2009-j4nf0yag

ونشوف اخدنا كام من عشرة

وكدة العنصر التانى خلص

يالا بينا على االلى بعدة

................................................

باقى العناصر هنحطهم كلهم فى جدول واحد ونحاول ننفذهم كل يوم

جدول محاسبة النفس اليومى فى رمضان Get-8-2009-54ctih4q

الجدول دة مجموع درجاتة من 20

نحسب ونشوف اخدنا كام

.................................................. ....

وصلنا لاهم نقطة هو جدول شامل لمجموع الاربع جداول اللى فوق دول

جدول محاسبة النفس فى اليوم الواحد فى رمضان

جدول محاسبة النفس اليومى فى رمضان Get-8-2009-fxo18tbz

ونشوف احنا اخدنا كام من خمسين .....كل يوم ننفذ الجداول ونشوف اخدنا من خمسين وياترى بنزيد ولابنقل لو زادت الدرجة يبقى احنا فى تحسن
وهو المطلوب

هنلاقى نفسنا فى اخر اليوم اننا عملنا حاجات كتيرة اوى ومفيدة وهناخد عليها ان شاء الله الثواب
الجداول دة بسيطة وسهلة وكلها حاجات لو ربنا قدرنا نقدر نعملها كل يوم ان شاء الله وعايزين نشجع بعض وياريت تقولولى يوميا نفذتوا من الجدول اية او حتى كام الدرجة عايزين كلنا كأعضاء نشجع بعض او حتى عرفونى انتم بتنفذوة ولا لا

يارب الفكرة تعجبكم

وعايزة اشوف التطبيق

مع تحياتى

انا اعجبت جدا بالمواضيع وممكن اضيف موضوع ليا

ازيك يا سما عامله ايه وحشتينى اوى اوى اوى انا عايز ابقى عضو هنا ويكون ليا وسام هناوابقى مشرف على مواضيع ده بعد اذنك طبعا وبعدين محدش بيشوفك ليه heart

ممكن وله فى مانع فى اللى انا طالبه ده

مع السلامه مستنى ردك عليا وانا موضوعى جميل جدا وهعيجبك اوى اسم الموضوع ( كيف ترضى ربك ) بس ياريت تقولى رائيك ايه اوك ...... بااااااااااااااااااااااااااااااااااااااااااى

انت كمان وحشتنى محمد بس ظروف عندى مش بدخل سورى طبعا يشرفنى انك تكون معانا وانا عملتلك كل حاجه الاسم والاشراف يارب يعجبوك والمنتدى تحت امرك واتمنى تكون معانا دائما نورتنا محمد

جدول محاسبة النفس اليومى فى رمضان A0445cb2d3

تقبل تحياتي

♠

طيب معلش لو سؤالى فى غباء شوية هو يعنى قصدك من الموضوع اننا نعرف درجاتنا قد ايه

ولا اننا ناخد درجات كبيرة على قد ما نقدر فى المواظبة ارجو الرد سريعا

» جدول لختم القرآن في شهر رمضان
» ~{( جدول رائع لختم القرآن في رمضان )}~
» بعض الأخطاء في رمضان أخطاء التي يقع فيها الصائمين والصائمات في رمضان‏ doc اخطا النسا
» امساكية رمضان 2011م - رمضان 1432 هـ ، امساكية رمضان 2011 لجميع الدول
» دعاء الرسول فى رمضان , ادعية الرسول قبل رمضان ماذا كان يقول الرسول صلى الله عليه وسلم اذا قدم رمضان