بدأت الحكاية من كام سنة .. وضحكت دايما عليها انا .. شايفة نفسك متفرعنة .. والكل قدامك انحنى .. من يوم ما لبستي المحزق .. كله بقى فيكي بيلزق .. والصاحب عن صاحبه يتفرق .. كلو عشانك يهون ما يفرق .. رسمتي ع وشك بالألوان .. وكلامك بقى حلو جنان .. ورضيتي بإنك تتعرضي .. زي لوحة رسمها فنان .. حتة حشرة خنفسة .. ومسيرك تبقي معنسة .. ف ايد أي شاب ملبسة .. تترمي تكنسها المكنسة .. بس اللي شايفاه عبيط .. وانك مزبطااه تزبييط .. هيسيبك بتعيطي جنب الحييط .. وتخبطي ف راسك تخبيط .. هيقولك عايز مراتي مؤدبة .. محترمة نفسها ومحجبة .. هتبكي ع ايام السبسبة .. وتبقى حياتك مهببة .. ماهو طبعا ده الطبيعي .. بعد ما كل شاب معاه تصيعي .. وتقلي أدبك وبالرخيص تبيعي .. أكيد بعد كل ده هتضيعي .. زيك زي حتة جاتوه .. بس في ألف واحد داقووه .. يعني الحلو كله خدووه .. واللي اتبقى الكل رمووه .. حافظي ع نفسك خليكي غالية .. اللي يوصلك يوصل بالعافية .. مش معقدة ولا رجعية .. وقرارك يتاخد بحرية .. قالولوك كتيير ع الحجاب .. وانه قيود قرف و عذاب .. حجابك مش باللبس و دينك يتساب .. حجابك غطاكي وانتي تحت التراب .. واللي قالك خليكي حرة .. بنت كوووووول مش معقدة .. لا شاطرة .. حلي ايامك متخليهاش مرة .. وجمالك نعمة لازم تظهر برة .. رخصوكوا استعموكوا اعلانات .. وقالوا عنكو فنانات .. مطربات وراقصات استعراضياات .. المهم تجيبولنا فلوس و عمارات .. صعبانة عليا وانتي بنفسك فرحانة .. وفي الآخر كله يكسب وانتي خسرانة .. كله يديكي بواقي .. وجيوبه مليانة.. ولا طولتي دنيا ولا ف الآخرة كسبانة .. اتحجبي .. بأخلاقك بدينك صلاتك .. بقربك من ربك بجمال أخلاقك .. حتى لو الكل ماشي خلافك .. خليكي صح هتبقي ملكة ف حياتك .. وحجابك هوا تاجك .. كل حاجة باختيارك وانتي فاهمة .. مش ملك حد ولا واخدينك شركة مساهمة .. متبقيش زي اللي تايه ف وسط الزحمة .. خافي ربك .. واعرفي .. ان انتي ملكة .. مترخصيش نفسك بنفسك .. الملكة ميوصلهاش .. الا ملك
