الست حبيبتى شكاكه
فى دماغها ناموسه زنانه
مش بيحبك وبيلعب بيكى
لا بيحبك بس راميكى
اه منها ناموسه عاوزه الحرق
حطت بينى وبينها فرق
الشك غلبها وجابلها حيره
هل هو شيطان وانا بنت اميره؟
كداب وجبان ومصايبه كتيره؟
جات بقى ناموستها الزنانه
همست فى ودانها بكل رزانه
دا حبيبك بصلها امبارح
دا كلامه فى جمالها سارح
طب والله عارفين امبارح؟
انا قاعد فى البيت ماخرجت
بس يادوبك دقت بابى
بنت جميله قالت فين طنط
سلمت عليها وقولت تعالى
طنط اهى جوه هى وخالى
دخلت هى وانا روحت لحالى
طب بالزمه انا راضى بحكمك
ياللى قرأتى القصه بعقلك
انا غلطان انى فتحتلها
ولا حرام انى ضحكتلها
طب دا رسولنا حكمه جميله
ضحكه لأخوك حسناتها كتيره
ههههههههه
نرجع تانى للست حبيبتى
مش تتفاهم حتى معايا
ليه ضحكتلها وليه تبصلها
انطق قول احسن اقتلها
خدها اهى عندك اشبع بيها
بس فى علمك كده انا بح
كداب ع طول وانا دايما صح
اخص عليكوا صنف ملعون
الواحد فيكوا زيه مليون
الغدر طباعكوا والكدب قانون
غور امشى مش اشوفك تانى
اما صحيح انسان ملعون
ال ايييييييييييييه
كنت بحبك كمان بجنون
جميل جدا اروى تقبل
