اليوم الاثنن الساعه تقترب من التاسعه
الطقس منتهى الجمال
الحاله المزاجيه تمام اوى
مر بخاطرى ذكريات
جميله بالطبع ولكن......
كل جمال ماخلا الجنة زائل
قبل قليل مررت بمهندس الكمبيوتر (لان الكمبوتر وقع مفصلة الشاشه اتكسرت)
طلب المهندس منى 75 ج
-ليه؟
-لانى نزلت ويندوز وبلوتوث وقران عليه
-مين طلب منك
- انا لقيت النسخه قديمه
-خربت شغلي وكمان بتبالغ فى السعر
-لاال75ج دى حق لحام المفصله بس
-والباقي عملتو لله مثلا
الوقت امس
المكان الاسكندريه
محطة سيدى جابر للقطار
نزل الراكب معى من نفس الباب جرى لمسك بباب عربه قبلها علقت رجله بين القطار وهو يتحرك والرصيف ولا احد يوقف القطار كما لااحد يوقف القدر وبالطبع ظل الرجل يدور ويتهشم جزء جزء دون ان يجرؤ مخلوق على معارضه قدر رب العالمين
الوقت قبل امس السبت
المكان سوق الخضار
الزبون لبائع
-بكم الطماطم؟
-ب7ج
-واللى جمبها دى
-دى ب6ج
-ممكن اخدها ب5ج
البائع شد كفة الميزان من الزبون
الزبون خلاص متزعلش هاخد نص كيلو
البائع قال بس من غير كيس
وافق الزبون
اشتريت 4ك بس ب8 من بائع غير لقلة ذوقه مع من كان قبلى
الزمن الجمعه
المكان موقف رمسيس
راكب ومعه زوجته
-بكم الاجره يااسطى؟
-30ج يابشمهندز
-كل يوم ب25
-الاجازات بئه اباشا
-طب المهم التكييف؟
-شغال
بعد طلعنا ب5دقايق
التكييف مش شغال
الراجل وزوجته للسائق
-ياسطى لو مش شغال نزلنا
-شغال قلنا
-استنا شكلك عايز تسلقنا
-عايز تنزل هتدفع الاجره ذوء او عافية
-وركن السواق وقامت الخناقه دون ادنى احترام ان معه زوجته او ان معاه الحق
لولا وجود رجل لبس مدنى مسك السائق وقاله ترجعهم الموقف لف بدون ماتنطق
الزمان الخميس
المكان مدينه الحرفيين مدينه السلام
العربيه عطلانه بسبب قطعه نفخ فيها بتاع المغسله قطع سلك فيها
بكم القطعه يااسطى بعد اتصلت بصديقى كهربائي ويعرفهم ب1200ج
طيب ركب
مااشتغلتش صح
مش بتاعتها نمشى؟
لا فيه قطعه بس اغلي
هاتها
ركب وقال ب3000ج
شغل مش نفس الكفاءه
القاهره-الاسكندريه-اسيوط مش موجوده قطعه لعربيه
غير الاستغلال والكذب وعدم الفهم
حتى لايظن قارئ المبالغه في الكلام
القطعه هى ايرماس عربيه مرسيدس شبح وصلت من السعوديه 600ريال وفيديكس 400ريال يعنى 1500ج
المقصود بالطبع مش نبا وفاة الرجل
ولا اسعار الطماطم اليوم
لماذا اصبحنا اقل الامم تحضرا؟
لماذا الهمجيه اصبحت طبع اعرق الشعوب تاريخا
اللهم اصلح شاننا
-
