على طاري الوداع وغربة الارواح والترحال
وعلى طا ري الدموع الي تخلت عن مواقيها
حبيبتي والهوى ينبت على قلبي حلم وامال
وشرايني تضخ الدم من اشواقي وترويها
انا اسمع دائما الا مثال تقول الحب يهد الحال
وانا اقول الهوى جنه مادام الوصل يحييها
دخيل انفاسك وخدك ورمش عيونك القتال
ودخيل شفاهك الي بسمتك دايم تحليها
ابيك بصدق توعديني قصر معك الزمن او طال
حياتي يا بعد عمري دخيلك ما تخلييها
وابيك تكوني لي جنه اذا طاح البخت او مال
وابي عينك تراعيني من الدنيا وبلاويها
وابي حبك يغطيني كلي انا في الحال
وابي صوتك يذوبني مثل شمعه انتهى ضيها
وانا بعطيك عهد الله وامان الواحد المتعال
ما دامني على الدنيا عيونك ما ابكيها
