فاتدلعي واتبغددي واتفاخري واتباهي
واستنكري من عزتي واستهتري بـجاهي
خَلِّيني مضرب مَثَل من بعد هيبة و وزن
كُبَّي المرار في العسل واملي الفرح بالحزن
يعني انتي أولهم ولا انتي اول همّ ؟؟؟
ولا انتي اول سهم إتْسَنْ لي واتسمّ ؟
لو تكشفي ضهري تلقي السهام علامات
وانا زي زرع ف هوا وَطَّى حِيِـي وعَلا مات
موت العلالي شرف .بس اسمها موتة
مش عدل تبقي ف ترف وانا باطفح الكوتة
ما يا إمَّا نَقْسَمْهُم وَخْزَة قُصَاد وخزة
يا إمَّا لا مواخذة . توتة يا حدوتة