منتديات الملكة سما

منتديات الملكة سما


 
الرئيسيةاليوميةس .و .جبحـثالأعضاءالمجموعاتالتسجيلدخول

( اللَّهُ لا إِلَهَ إِلَّا هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلا يَؤُودُهُ حِفْظُهُمَا وَهُوَ الْعَلِيُّ الْعَظِيمُ ) [البقرة:255]


شاطر | 
 

 وقفت في وسط المطعم وضحكت وقالت-----------(قالي صبرتي ونولتي)

اذهب الى الأسفل 
كاتب الموضوعرسالة
سومة
نـــائب المـدير

نـــائب المـدير
avatar

عدد المساهمات : 800
نقاط : 919
السٌّمعَة : -1
تاريخ التسجيل : 20/12/2010

مُساهمةموضوع: وقفت في وسط المطعم وضحكت وقالت-----------(قالي صبرتي ونولتي)    الجمعة أبريل 06, 2012 11:40 pm


عايزين تعرفوا حكايه الاخت بتاعت المطعم هقولكم بس طولوا بالكم لان دي حكاية 8 سنين

يوم الاربعاء اللي فات جوزي جه من الشغل وقال للاولاد النهاردة عيد الام قولوا كل سنة وانتي طيبه يا ماما وهنروح نتغدي بره معاهاسعيدة قوي

فرحت وقمت لبست وكاي زوجة مصرية اصيلة ومن النوع الاصلي ابتديت مفاوضات واحنا في الطريق المطعم ده الهدية ولا ده احتفال ولسه فيه الهدية والورد زي السنة اللي فاتت يا سلام

دخلنا المطعم فوجئنا بزحمة لا تتخيلوها وجروب فيه 6 اسر قلت له بوص كل الناس دي بتحتفل بعيد الام يعني انت معملتش حاجة زيادة ده الناس عملت رحلات عشان عيد الام اهولا مش عاجباني

الراجل اكسف بس ضحك وقالي بس نخرج هجبلك الورد والهدية العيد والله انا بهزر معاه واللهمبسوطة

وفي وسط ما احنا بناكل افاجئ بواحدة من الستات دول قامت بتحضر نفسها للخروج ووقفت وضحكت بعلو صوتها وقالت للي معاها تتصوروا النهاردة عيدالام واحنا ناسيينمالكيش دعوة

ساعتها بقي انا اللي اكسفت ووشي احمرمحرجة

مش دي القصة الاصلية واصبروا لان قصتي عن الصبر

في اول سنه من جوازي حماتي الله يرحمها اتوفت بعد 3ايام من عيد الام

اخر مرة زوجي كلمها يوم عيد الام واحنا اصلا مسافرين وهو وقتها سافر بلد غير اللي احنا فيها في شغل تاني واهله خبوا عليه ومعرفش انهاماتت غير بعد فترة اول ما رجع من بره

من بعدها ولمدة 8 سنين بقي يوم عيد الام يوم ممنوع فيه الكلام ويبقي زعلان فيه جدا وواخد جنب ومرت ال8 سنين كده

1 اول سنتين (نوم وزعل ومكنتش بزعل منه ومقدرة شعوره وبكلم ماما من قبلها بيوم وابعت لها الهدية بهدوء)صعبان عليه

2 تاني سنتين (موضوع الزعل قل شويه بس برده ميكلمش والدتي يوم عيد الام مع انه بيكلمها طول السنه )صعبان عليه

3 تالت سنتين(متتوقعوش تغيير مخضوضةبرده مبيكلمش حد اليوم ده ولا يقولي ولا يقول لوالدتي كل سنه وانتو طيبيين )صعبان عليه

وانا اول ما بزعل وشي بيحمر وهوبيبقي حاسس بس ساكت وكنت بصبر وبدعي ربنا ربنا يبرد قلبه ويهديه ومن كل قلبي وفي كل الاوقات المستحب فيها الدعاء

واللي يضايقني نتصل باخوه نلاقي كل شئ عادي واخته بتروح لحماتها عادي بس كنت مقدرة زعله علي والدته وصبرت وعمري ما كلمته ولافتحت معاه الموضوع ده وكنت بتألم علشانه وفعلا مفيش اغلي من الام

4 السنه اللي فاتت لقيته جاي من الشغل بيضحك ضحكة غريبة وصافية وبيقولي هاخد الاولاد واجيب حاجة من تحت
وفعلا نزل جابلي ورد هو والولاد وهدية حلوة عليها كارت مكتوب فيه(صبرتي ونولتي)مبسوطة

والسنه دي انتم عرفتم حكايتها بس بيفكر يبطل احتفال السنه الجاية عشان التكلفةمبسوطةكوول(اصله جاب الورد والهدية)

وفعلا صدق ربنا لما قال (وبشر الصابرين) ودي رسالتي لكل زوجة اصبري علي زوجك محدش فينا خالي من العيوب وراعي مشاعره حزن الراجل بيبقي عميق وبياخد وقت عشان يهدي

محدش فينا مبيزعلش من شئ معين ومتحاوليش تغيريه في ثانيه ساعات التغيير في الرجاله بيحتاج سنين

احزني لحزنه وافرحي لفرحه ومتخليش اختلافكم علي شئ سبب انك تكرهيه هو بيبقي عارف اللي مضايقك وعايز يتغير من غير ما تضغطي عليه

احتسبي زعلك منه وربنا معوض ومخلف وقادر في لحظة يبدل قلب زوجك وربنا قادر علي المعجزات

اليوم اللي كنت بعمل حسابه كل سنه الحمد لله بقي فيه ذكريات جميله

ان الله مع الصابرين اذا صبروا

اللي عجبها الكلام ترد اوتقيم او ترد وتقيم سعيدة قوي

سعيدة قوي 11 11
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وقفت في وسط المطعم وضحكت وقالت-----------(قالي صبرتي ونولتي)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الملكة سما :: ®––•(-•قســم آلآســره •-)•––© :: منتــــدى الحيــــاة الــــزوجــيـــــــة-
انتقل الى: