ليلة القدر .. أول تجربة علمية بالصور .. للباحث محمد سمير عطا

اخوتى و أخواتى
أحبتى فى الله
كل عام و أنتم بخير
بدأت العشر الأواخر من رمضان
و كلنا أمل أن نبلغ ليلة القدر

و قلت أجيب لكم بحث علمى اتعمل من عدة سنوات عن ليلة القدر ، و بالصور
و وافق عليه كل أئمتنا
و اتعرض فى كثير من فضائياتنا

و باختصار

البحث بيقول :

من علامات ليلة القدر :
- انها بتكون مضيئة رغم ان مافيش فيها قمر
- تسكن فيها الرياح
- الجو فيها معتدل
- لا تضرب الأرض ليلتها شهاب
- تكون ليلة ممطرة
- يكثر صياح الديكة
- يقل نباح الكلاب
- تخرج الشمس صبيحتها بلا شعاع كأنها القمر

كل هذه العلامات لا يمكن الجزم حين نأخذ بها الا علامتين فقط
لماذا ؟
للأسباب التالية :
- فيه بلاد ما فيهاش ديوك أو كلاب
- فيه بلاد ممطرة طول السنة
- فيه بلاد زى اللى على خط الإستواء أو قرب القطب الشمالى نجد درجة الحرارة المعتدلة فيها بتكون عالية أو منخفضة بالنسبة لسكان البلاد المعتدلة
- دة غير ان الكهرباء خلت ليالينا كلها نور

و بكدة ما يفضلش قدامنا غير علامتان
1- الشهب
2- الشمس

و هما علامتان لا تستطيع العين المجردة أن ترصدهما

بالنسبة للشهب فدى محتاجة المراصد

أما بالنسبة للشمس
فسافر محمد سمير عطا و اشترى أجهزة و كاميرات ديجيتال بفلاتر و بيانات تحليلية من أمريكا و المانيا و اليابان
و خرج هو و أصدقاؤه من مصر و الإمارات و السعودية و أقاموا على شاطئ الفجيرة لرصد ليلة القدر بالأجهزة المتطورة

كان ذلك عام 2004
فى السنة دى صامت السعودية و الإمارات حسب رؤية الهلال
أما مصر و باقى الدول فأخذت بالحسابات الفلكية
فكان يوم 2 رمضان فى السعودية هو 1 رمضان فى مصر

و لذلك قرر محمد سمير عطا أن يبدأ رصدهم من يوم 19 رمضان بحساب السعودية
و دة اللى سجلته الكاميرات :

دة شكل الشمس بالعين المجردة يوم 19 رمضان عام 1425 هجرية (2004 ميلادية)

هنا محمد سمير يدخل الفلاتر التى ستظهر 32 بيان تحليلى

هنا تظهر كل البيانات الخاصة بالشمس

و هنا محمد سمير بيقول ان اكتر حاجة تهمنا فى الصورة دى هو اللون الأحمر اللى ظاهر فوق على اليمين
فهو بيوضح أشعة الشمس
و لمزيد من التوضيح أنا هأبيّن لكم فى الصورة التالية

فى الأيام اللى بعد كدة كلها ظهرت البيانات بنفس الشكل
ذلك رغم ان كان فيه أيام فيها غيوم و كانت أشعة الشمس بتبان محتجبة بالعين المجردة و بالكاميرات العادية
أما بالكاميرات الحديثة فكانت البيانات التحليلية تظهر أن للشمس أشعة :

لغاية ما جاءت ليلة 27 و دى ركزوا فيها لأنها أشهر ليلة عند المسلمين
و كان فيه غيوم كتير و رغم ذلك كانت أشعة الشمس واضحة بالعين المجردة و بالبيانات التحليلية

و كمّل محمد سمير الرصد و التصوير الى أن انتهى رمضان و كان سنتها 29 يوم
و استعد الناس لصلاة العيد فى السعودية و الإمارات
أما فى مصر و باقى الدول كانوا لسة صايمين يوم زيادة
بمعنى ان 30 رمضان فى السعودية هو 29 رمضان فى مصر
و لذلك قرر محمد سمير و اصحابه انهم يكملوا التجربة
و كانت هى دى النتيجة :
( الصورة دى بالعين المجردة )

و دى اللى أظهرته البيانات على شاشات الكاميرات بعد ما ادخلوا الفلاتر الخاصة بالقياسات التحليلية

و زى ما انتم شايفين الشمس باينة من غير أشعة
لاحظوا معى

و بيقول محمد سمير عطا عن باقى البيانات التحليلية أن درجة الحرارة انخفضت 7 درجات و الرطوبة انخفضت 25%
و ذلك لمدة نصف ساعة
ثم عادت الإشارات كلها كما كانت

و كان قد سُئل الرسول عن سبب ما يحدث للشمس
فقال :
" لتزاحم الملائكة على الأرض "

سبحان الله

و للى ما يعرفش ان محمد سمير عطا كان الموقع الرسمى بتاعه اتمسح لأنه فيه ابحاث تنصر الإسلام علميا
و بدأ فى عمل موقع جديد و لكن لسة ما حطش فيه كل أبحاثه
و لذلك بحثت فى كل مكان لغاية ما لقيت الفيديو دة لأحد البرامج اللى ظهر فيها
فيديو تصوير صبيحة ليلة القدر2004 م-هـ 1425 .3gp - 4shared.com - file sharing - download movie file
و بيشرح فيها الظاهرة بالتفصيل و بالتصوير اللى عمله اللى انا واخدة منه اللقطات دى

و البحث اقتنع به فورا علماء السعودية و الإمارات و كتير جدا من الدول العربية و أكد صحته كل علماء المسلمين
و من ساعتها أصبحت ختمات القرآن فى مكة يوم 29 رمضان بعد ما كانت يوم 27

ط§ظ„ظپط¬ط± - ظٹظˆظ…ظٹط© ط¬ط²ط§ط¦ط±ظٹط© ظ…ط³طھظ‚ظ„ط©

و محمد سمير عطا يضع البحث الآن فى ايدى الحكومات الإسلامية لإثباته و نشره عالمياً
و كانت الأرصاد المصرية هترصد الشمس لمدة 30 سنة (أى دورة شمسية كاملة ) ليخرج البحث بطريقة علمية موثقة للعالم كله ليثبت أن هذه الظاهرة لا تحدث الا مرة كل عام تتفق مع ليلة 29 رمضان

و لكن مافيش فلوس طبعا
فتوقف البحث

و المفروض ان كل الدول الإسلامية تساهم فى هذا البحث لأنه له 3 فوائد
أولا و قبل كل شئ هو نصر للإسلام
ثانيا هنضبط صيامنا و حجنا معا و مش هتحصل اى لخبطة
ثالثا اول بلد هتظهر فيها الشمس هتبلغ باقى الدول
و تصوروا معى المسلمين فى العالم كله فى وقت واحد واقفين يصلوا و يبتهلوا الى الله هم و الملائكة و معهم سيدنا جبريل عليه السلام

يا الله

و يوم واحد فى السنة تتقفل فيه القهاوى الرمضانية (!) مش هيخسر التجار كتير
لكن المكسب اللى هيعود على الأمة الإسلامية هيكون جد عظيم
أقلها سيكون خير رد على استهزاء الغرب و افتراءاتهم على ديننا و رسولنا الأمين

و اللى عايز يتأكد أكتر و يشوف الصور يقرأ جريدة الخميس المصرية اللى صدرت هذا الأسبوع ، و هتلاقوها لسة فى الأسواق
http://www.elkhamis.com/News-55610031.html

و كل سنة و المسلمين الى الله أقرب
اللهم اعفو عنا و اغفر لنا و ابعد الغشاوة عن أعيننا
و انصر بنا الإسلام و لا تستبدلنا يا كريم
مع تحياااااااااااااات أمير التنانين

و كل سنة و المسلمين الى الله أقرب
اللهم اعفو عنا و اغفر لنا و ابعد الغشاوة عن أعيننا
و انصر بنا الإسلام و لا تستبدلنا يا كريم
مشكووووووووور امير على المعلومات القيمه دى وكل عام وانت بخير

معلومة بجد جميلة ومفيدة مشكور على طرحك المتميز عسى انه يكون في ميزان حسناتك يا رب .. تقبل مروري .

شكرا على المرور ويا رب~¤ô¦¦§¦¦ô¤~ أميـــــر التنـــانيـــــن ~¤ô¦¦§¦¦ô¤~

» رنة جوالك أجمل نشيد قيل في ليلة القدر
» دعاء تقشعر له الأبدان من أجمل أدعية ليلة القدر
» بالصور.. محمد الحلو يحتفل بزفاف ابنه ع اخت المطربه زيزى
» تجربة الموت الجزءالثانى
» براءة إختراع (محشش يكتشف نظرية علمية جديدة )