عمرو دياب أذكى مطرب ولكن !!!!

ديما بيقوله انه سبب نجاح عمرو دياب ذكائه
ولو اتسأل اي مطرب عن عمرو دياب يقول بيعجبني
فيه ذكائه لكن دي مقولة حق يراد بيها باطل
وبيهدف من وراها انه سبب نجاحه راجع للفهلوة
مش لموهبته او لان صوته حلو..لا الحكاية كلها شوية
شطارة وجت معاه كده!

لكن اي نوع من الذكاء ده اللي يوصل بمطرب انه يحتل
القمة لمدة 20 سنة وهل طول المدة دي ذكائه
ماخانوش ولا مرة؟! وهل الجمهور غبي للدرجة دي
هيسمع مطرب عشان هو ذكي؟!..عمري ماشوفت معجب
بيقول انا بحب فلان عشان ذكائه..اللي اعرفه انه بيتقال
اصل صوته حلو بيختار كلمات حلوة بيعمل مزيكا
جديدة انما الذكاء عمره ما هيصنع قاعدة جماهيرية..

الذكاء يوم مايفيد هيفيد في ان مطرب ينزل
البومه في معاد مناسب..يعمل حفلة في وقت معين
ومكان معين وبسعر يناسب الوقت والمعاد ده..
يفيده في اختيار شركة انتاج مناسبة..اختيار اسم للالبوم..
لكن ايه علاقة الجمهور بالنوع ده من الذكاء؟!..
ولو جينا نطبق الحالات السابقة من الذكاء
علي الهضبة هنلاحظ الاتي:

ان البوماته نزلت تقريبا في كل الاوقات من السنة
وفكل المواسم صيف وشتا واعياد وحتي في
اوقات الثانوية العامة والامتحانات ومع ذالك حققت النجاح
واعلي مبيعات عن البومات نزلت في مواعيد احسن..
وفرضا انه عمرو نزل البومه في موسم معين مهو اكيد
نازل معاه مطربين تانيين ليه ماستفادوش من الموسم
الحلو ده هما كمان وحققوا مبيعات زيه؟!

اما عن حفلات عمرو فهو بيقدم حفلاته
في الفنادق الراقية وفي الساحات العامة وفكل الدول
من شرق الكرة الارضية لغربها وحفلته بتكون اعلي
سعر تذكرة ديما وبتحقق اعلي نسب حضور
من حفلات مطربين تانيين باسعار اقل وحفلاته زي
البوماته بتكون في كل المواسم.

اما عن اختيار الهضبة للشركة فأكيد الذكاء بيكون ليه
دور مهم لكن مهو وقع لتلت شركات وفي التلاتة
كان ديما النجم الاول في العالم العربي وبرده كان معاه
فيهم مطربين تانيين مانجحوش زيه ليه ولا هما دول
ماكنوش عندهم ذكاء..ده غير انه فيه مطربين
اتنقلوا مع الهضبة للتلت شركات دول في نفس الفترة
اللي كان فيهم ليه ماتقلش عليهم اذكية هما كمان؟!

عمرو فعلا اذكي مطرب عربي لكن الذكاء لوحده عمره
ما بيعمل نجم ومحاولة ايهامنا انه هو ده سبب نجاحه
الوحيد يبقي نوع من الغباء والسذاجة او الحقد المفضوح.
.ومهما كان ذكائه فالجمهور مش هيحب مطرب عشان
هو ذكي لانه اللي يهمه في المقام الاول موهبته وصوته
وشغله وعمرو علي مدار 25 سنة قدم البومات
بتضم اغاني مش شوية فوازير والغاز والناس سمعتها
وعجبتهم وكسب اعلي شعبية وبقي رقم واحد.

طيب هنقول اية واية يا هضبة كفاية انك الهضبة

زائر

مــشــكــوره عـلى الموضوع الرائـع ونتمنى المـزيد تقبلى مــرورى

مشكور سيمو على مرورك الدائم الذى يسعدنى

» ألبوم صور عمرودياب ,جميع صور عمرو دياب,الهضبة,كل اسرار عمرو دياب
» احدث و اجمل صور عمرو دياب و صور لم تنشر من قبل لعمرو دياب
» عمرو دياب - وحشتينى
» عمرو دياب - ذكريات
» عمرو دياب يضم "يا ريت سنك" لألبومه الجديد