بسم الله الرحمن الرحيم
السلام عليكم ورحمة الله وبركاته
ما هى أجمل دقائق فى عمرك ؟
؟
هل اجمل دقائق فى عمرك لما نجحتى واخدتى اعلى الشهادات؟
؟
هل اجمل دقائق فى عمرك لما كسبتى فلوس من شغلك وتعبك
؟
هل اجمل دقائق فى عمرك لما اتخطبتى او اتجوزتى
؟
هل اجمل دقائق فى عمرك لما فرحتى باول مولود ليكى
؟
هل اجمل دقائق فى عمرك لما حققتى هدف دنيوى وفرحتى بيه
؟
أجمل دقائق فى عمرنا=متاع الدنيا
أيه رأيكوا نغير طريقة تفكيرنا فى أجمل دقائق من عمرنا
ليه ما يكنش أجمل دقائق فى عمرنا = ذكر الله
تعالوا نشوف ليه أجمل دقائق فى عمرنا =ذكر الله
يقول صل الله عليه وسلم:ليس يتحسر أهل الجنة على شيء إلا على ساعة مرّت بهم لم يذكروا الله عز وجل فيها
عجيب أمركم أهل الجنان ، تتحسرون !! لا لأنكم عصيتم الله في الدنيا ..بل لأنكم تركتم فيها ساعة لم تملأ بذكر الله ..
بينما يبكي غيركم لفوات لذاته !! ويتحسر لفراق شهواته !! فشتان بين الفريقين !!!
ليس ساعة من ساعات الدنيا ، إلا وهي معروضة على العبد يوم القيامة ، يوما يوما ، وساعة بساعة ،
ولا تمر به ساعة لم يذكر الله فيها إلا انقطعت نفسه عليها حسرات ،
فكيف إذا مرت به ساعة مع ساعة ، ويوم مع يوم ، وليلة مع ليلة !ولم يذكر الله فيها
فى اذكار كتير دلنا عليها الرسول صل الله عليه وسلم
فى اذكار بنقولها واذكار بننسها
فى اذكار نعرف معنها وفوائدها واذكار لأ
ساعات بنذكر ربنا كتير وممكن ننشغل فى امور الدنيا وننسى الاذكار او نبعد شوية عن الذكر ونرجع تانى
ليه مش ندرب انفسنا وكل يوم نتعلم حاجه جديده عن ذكر الله ونداوم عليها لحد لما ذكر الله يبقى ادمان فى حياتنا
عائشة رضي الله عنها أنها قالت سئل النبي صل الله عليه وسلم أي الأعمال أحب إلى الله قال: (أدومها وإن قل وقال اكلفوا من الأعمال ما تطيقون) رواه البخاري.
كنوز ذكر الله كتييييييير
وكل فترة نتعلم مع بعض كنز جديد ولما ندمن هذا الكنز ويبقى اساسى فى حياتنا ناخد كنز تانى
تعالوا نتكلم عن اول كنز من كنوز ذكر الله
الكنز الاول (الاستغفار)
اتى رجل الى الحسن البصرى وقالى ياأبا سعيد
انا فقير وليس عندى مال قال له أكثر الاستغفار
فاقبل اخر وقال ياأبا سعيد انا عندى مزرعه لكن ما عندنا مطر ولا فيه زرع قال له أكثر الاستغفار ثم مضى
فاقبل رجل ثالث وقال له ياأبا سعيد قال له نعم
قال انا تزوجت وليس عندى اولاد قال له أكثر من الاستغفار
فعجب من فى المجلس وقالوا له ياأبا سعيد هؤلاء ثلاثة وكل واحد سالك سؤال يختلف عن الاخر واجبته بنفس الاجابة
قال اما سمعتم قول الله تعالى :
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ﴿10﴾ يُرْسِلِ السَّمَاءَ عَلَيْكُمْ مِدْرَارًا ﴿11﴾ وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ﴿12﴾
سورة نوح
نفسك ربنا يغفرلك ذنوبك :استغفرى
نفسك ربنا يرزقك بالذرية الصالحه :استغفرى
حتى لو كنتى مش متجوزه ونفسك فى الذرية الصالحه ربنا هيرزقك بالزوج الصالح والذرية الصالحه بالاستغفار
عايزه ربنا يستجاب لدعائك ويحققلك حلم او أمنيه
اذكرى ربنا كتير
من فضائل الذكر ان النبى صل الله عليه وسلم قال :
ثلاثة لا يرد الله دعائهم اولهم قال الذاكر الله كثيرا
اللى يذكر الله كثيرا هذا الشخص ما يرد الله دعائه
اهم حاجه عشان تحسى بتأثير ذكر الله على قلبك وحياتك لازم يكون كثيييييييرا
مين من انهارده هيكون شعارها فى الحياة
أجمل دقائق فى عمرى =ذكر الله
أبدأى بالاستغفار
