منتديات الملكة سما

منتديات الملكة سما


 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

( اللَّهُ لا إِلَهَ إِلَّا هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلا يَؤُودُهُ حِفْظُهُمَا وَهُوَ الْعَلِيُّ الْعَظِيمُ ) [البقرة:255]


شاطر | 
 

 رقم محمول الرئيس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اعصار
.
.


عدد المساهمات : 74
نقاط : 142
السٌّمعَة : 0
تاريخ التسجيل : 22/09/2012


مُساهمةموضوع: رقم محمول الرئيس    الإثنين أكتوبر 08, 2012 6:15 am



ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!!


فرحة كبيرة ... إنتابت الجميع ....
كان أمل الجميع ..شرف مكالمة الرئيس ....وعرض مشكلته عليه ... ؟


حتي في دور العبادة ... إنشغل الجميع بالتواصل مع الرئيس ...!!


حتي الأطفال ... أحبوا أن يكلموا ..عمو الريس .....


وطلبوا منه طلبات غريبة جداً .... عيبأقولها لكم ...!!!!

أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :
((إتصل برقم الرئيس ..وإنت وأهلك تهيص .... ))
((إتصل بالرئيس ... يكون لك خير ونيس ....))
ولم تنس الدعاية المرأة في هذه الحملة فكان منها ما يقول :
(( إتصلي بالرئيس .... وبكره يجيلك العريس .... ))
وكان للأطفال أمل الغد أيضاً نصيب فكتبت لهم إعلانات تقول :
(( كلموا عمو الريس .... قبل ما يموت ويفيص ))
هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...
وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...
جاءت ساعة الصفر .... وبدأت الخدمة ... وتلقي الرئيس عدة مكالمات :

المكالمة الأولي :
- ألو ....
- أيون ...
- إنت الريس ...
- أيون يا حبيبي ... إيه مشكلتك ....
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...
- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!
- شكراً ياريس ..ربنا يخليك لنا ويخليك للوطن ... ؟

المكالمة الثانية :
- ألو
- أيون
- الريس معايا شخصياً
- أيون ... قول يا مواطن ... إيه مشكلتك ...
- أنا ياريس وغيري ملايين ساكنين في المقابر وتحت الكباري وفي عشش في ال ...في ال
- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...
- فاهم فاهم يا ريس ...
- كمل يا مواطن ...
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...
- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...
وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!
- طب ما تيجي ياريس تتعظ عندنا شوية ...
- إخرس ... يا ..(....)
دببببب ...
وتم غلق الخط ...

المكالمة الثالثة :
- ألو ....
- أيون
- الريس حبيبنا معانا ....
- أيون أيوه كده ....إيه مشكلتك يا حبيبي ...؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...
- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...
- ياريس عايز أكون نفسي ...
- ما تكونها يا حبيبي حد حايشك ...؟!!
- أكونها إزاي من غير شغل ..؟؟
- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...
دبببب ...وتم غلق الخط ....

المكالمة الارابعة ...
- ألو ..صباح الخير ياريسنا يا جميل ...
- ألوووووووووو... صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
- أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...
دبببب .. وإنتهت المكالمة ....

وأخيراً ... حد عايز الرقم يطلب ويجرب ..... يتصل بي أويكتب لي...وأنا أعطيه له فوراً ....بشرط يقول حيقول للريس بتاعه إيه لو كلمه في التليفون ...!!! ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الملكة سما
صـــاحبة المـنتدى

صـــاحبة المـنتدى


عدد المساهمات : 13493
نقاط : 22734
السٌّمعَة : 12
تاريخ التسجيل : 11/08/2010
الموقع : http://samaa5.yoo7.com/u2


مُساهمةموضوع: رد: رقم محمول الرئيس    الإثنين أكتوبر 08, 2012 7:00 am

ههههههههههههههههههههههههه لا كده تمام مش عاوزه رقم حد ويقفل الخط فى وشى هههههههههههههههههه عسول يا تامر موضوع دمه خفيف وجميل تسلم الايادى تمورة تقبل مرورى





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اعصار
.
.


عدد المساهمات : 74
نقاط : 142
السٌّمعَة : 0
تاريخ التسجيل : 22/09/2012


مُساهمةموضوع: رد: رقم محمول الرئيس    الإثنين أكتوبر 08, 2012 7:04 am

هههههههههههههههههههههههههه سما انا لو اعرف انك هاتفكرى فعلا تتصلى مكنتش اتردت وكتبتلك رقم فونى

ههههههههههههههههههههههههه مشكور مرورك ي قمر بس كنت حابب اعرف هاتقوليلو إيه؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الملكة سما
صـــاحبة المـنتدى

صـــاحبة المـنتدى


عدد المساهمات : 13493
نقاط : 22734
السٌّمعَة : 12
تاريخ التسجيل : 11/08/2010
الموقع : http://samaa5.yoo7.com/u2


مُساهمةموضوع: رد: رقم محمول الرئيس    الإثنين أكتوبر 08, 2012 7:17 am

ههههههههههههههههههههه هتكتب رقك هنا هتلاقى امه لا اله الا الله اتصلت بيك وهتندم ندم ههههههههههههههههههههههههه وتقول حرمت اعملها هههههههههههههههههههههههه اقله ايه بص يسيدى بتمنى بجد يخلف ظننا فى بعد الى سمعناه عنه وان الاخوان الى بتحركه وبتنظم الى هيعمله عاوزه رئيس مصرى بجد مش تابع حد يحس بالناس ويقرب منهم يعرف الناس عاوزه ايه ويعمله مش الاخوان عاوزه ايه ويعمله بس تامر انا عن نفسى ماليش طلبات طلباتى هى طلبات الشعب نفسه الامااااااااااااان ثم الامااااااااااااااااااااااان مخرجش من بيتنا مكتفه شنطتى فى ايدى او خايفه اتاخر يجرالى حاجه هاوزه اطلع من بيتنا واحس بالامان بس ده كتير عليه يا ابن بلدى ده طلب اى بنت مصرية تحس بالاماااااااااااااااان





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملك
..
..


عدد المساهمات : 184
نقاط : 186
السٌّمعَة : 0
تاريخ التسجيل : 19/09/2012


مُساهمةموضوع: رد: رقم محمول الرئيس    الأحد أكتوبر 14, 2012 3:22 pm

تحفه بجد هههههههههههههههههههههههههههههههه والكل هيتكلم فعلا ع اساس انه امالهم الوحيد
بس للاسف انا لو كلمته هقول ع حاجات كتير علشان البلد عايزه كل حاجه تنصلح فيها
بس الموضوع جميل ودمه خفيف تامر تسلم ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رقم محمول الرئيس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الملكة سما :: ®––•(-• آلمنتديـآت آلعـآمـه •-)•––© :: الـمنتـدى الـعـــــــــــــــــــام-
انتقل الى: